今代好難玩 orz

又到一年一度既世界盃
身為一個退休前最後一屆既施丹粉絲既熱血中坑,無理由唔捧場
上吧!施丹!用愛與美貌戰勝一切吧!

今代winning好難玩已經係舊事
俾人茅唔foul已經係慣例
扭波犯規都已經好幾代係咁
但傳波會foul都真係第一次 orz
winning果然係現存最真實既足球game
今屆世界盃球證水準可以媲美winning
邊上住網/打機邊睇唔計
專心乜都唔做睇左幾場
有三場期待之戰亂黎到無朋友

例如法國第一場
施丹點解響人牆排好之後,球員已經響禁區內走黎走去爭位時開罰球,仲需要食張黃牌?
就算球證認為需要等吹雞至開得,雙方都已經擺好陣,人牆都已經排好企定定,應該唔存在非公平既情況吧?
如果有心想貪便宜,直接快開黎搵著數啦,駛咩等你地準備好晒至踢咁笨實
呢張黃牌搵笨指數有四粒星
瑞士死球時,沙諾同對手攻擊球員跑黎跑去追逐,身體無明顯侵犯動作,連拉衫都無乜,但硬食一張牌
搵笨指數四星半
享利禁區內射門,被對方禁區內一手拍番落地,而手係明顯打橫伸左出去,唔係護住身體範圍而掂到,球證竟然唔吹
搵笨指數直達五星

又例如西班牙對烏克蘭果場
本來我係西甲迷,諗住捧西班牙
點知烏克蘭有球稍為拉一拉褲即刻縮手,連條褲都無乜變型,仲要好快就離開進攻球員2個波位.
進攻球員射門被撲出,企唔穩訓低,紅牌,直指十二碼點
身為西甲迷都覺得羞恥!

再例如法國對韓國
有球明明半空入左,但球證認為無入,卡奴爾系統再現!
之後施丹同人有碰撞食黃.呢張黃我服,但計埋上一場張冤枉黃牌,下一場將會停賽
響第三場一定要贏至爭到出線資格既情況下,竟然無左最重要既施丹
隨時係職業生涯入面最後一場波!
難怪佢90分鐘被換出時塊面黑到無朋友

心淡了,不嬲都預左享利無表現,本來諗住靠李澤楷執下死雞,或者同施斯夾下有火花
點知施斯響世界盃開幕前48小時內斷腳
李澤楷兩場加埋出得2分鐘
仲要加埋黑哨/球證水準低下
難怪碧根鮑華都大鬧今屆世界盃球證執法水平不足
算罷啦,都係捧番如來神掌,偷龍轉鳳2同笑八仙算...